الي مش عارف عدويه او مش فاكره هو ابني العزيز الي كتبت عليه مذكراتي هنا اول ولادته و اكتسب شهره واسعه بين التكاويه
هنا دي مش مذكرات انما مواقف ساخره بتحصل معايا يوميا ومش مترتبه
الولد
عدويه ولدي العزيز و فلزة كبدي ... يروح لابوه يلعب معاه يقعد على حجره
يديله بوسه في خده و يقعدوا يتفرجوا سوا عالكارتون ساعتين و لا حاجه او
بالكتير يلعبوا سوا مكعبات
يجي يلعب معايا يقلي يالله يا ماما نلعب مصارعه او بوكس !!!!!
وساعات يقرر اللعب معايا فجأه و يضعه محل التنفيذ و الاقي البوكس في النضاره
هموت و اعرف ليه فرق المعامله ده
(((((
يجي يلعب معايا يقلي يالله يا ماما نلعب مصارعه او بوكس !!!!!
وساعات يقرر اللعب معايا فجأه و يضعه محل التنفيذ و الاقي البوكس في النضاره
هموت و اعرف ليه فرق المعامله ده
(((((
-------------------------------------
لالو تجربه جديده كليااا عن عدويه
شئ بصمت بالعشره عليه بعد الموقف ده ...كان ماشاء الله ماشاء الله خمسه وخميسه كوكي ابتدى يتحرك بدري ويتقلب و مكنتش مديه خوانه لاني متعوده عالهدوء المطلق لعدويه لحد ما صحيت في يوم على صوت بكاء كوكي -لالو-
ادور في الشقه كلها يمين شمال يمين شمال مش لاقياه
فين كوكي انا سامعه صوته .... ابو زئرد نزل شغله رغم يوم اجازه ...
كنت على وشك الانهيار لما تتبعت الصوت و لقيته جي
جي
جي
.
.
.
.
.
.
جي من تحت السرير!!!!!!
الاخ اتقلب و نزل و زحف وانا نايمه تحت السرير الي ارتفاعه عن الارض شبر و مفتكرش يعيط غير لما وصل للحيطه
وطبعا مشكله اني اجيبه انزل تحت السرير ازاي انا ... اجيبه بأي عصايه طيب
المهم هو يبص على وشي كل ما ابص ليه ويضحك و ميحاولش يتقلب يجيلي
فرحان فيا سيادته و في حيرتي
في الاخر اضطريت ازيح السرير براحه قوي و انا مرعوبه عالفار الي تحته ده لحد ما عملت مسافه اجيبه منها
من يومها اشتريت نص دستة شلت احوط السرير من كل ناحيه
--------------------------------------------------------------------------------------------------------------------------
زوزو حبيبة قلبي
زوزو مش سعاد حسني و لو انها لها مثل انوثتها بالتأكيد
هي خليط عجيب من انوثه مبكره لطفله ذات خمس سنوات و التشرد الاطفالي لتصبح المعلمه زوزوه
هي ابنة اختي ..... عندها اصرار عجيب ان تنال ما تريده مره بالزن مره بالدلع مره المهم تعرف تجيب حقها
هذه المره كان هدفها عدويه
عدويه كان مكملش سنه و بطبعه كان هادي جدا - كان يا مكان بقه - لعبته المفضله تسيبه قاعد في مكانه و في ايده باكو مناديل يقطع فيه لحد ما يخليه عصافير جنه و لا يمكن يزهق من اللعبه دي لذلك هو الطفل المثالي لجدته و خالته
ونتيجة عدم وجود فرق في الحجم ساعتها هي سفيفه و هو ربنا مبارك فيه حبتين مكنتش مقتنعه انه نونو و هيلعب معايا يعني هيلعب معايا
بيستفزها هدوءه
لجئت لكل الاساليب تاخد منه اللعبه يا يسيبها يا يزن يعيط لكن انه يتحرك ورا اللعبه ابدا الراجل محافظ على مبدأه- عيل مستفز الصراحه -
و نحاول نقنعنها انه نونو لكن البنت عندها حق متقتنعش
في الاخر توصلت لاسلوب سحري
لو مقدرتش عليهم انضم ليهم
بقت بتقلده في كل حاجه
يقعد تقعد زيه يحاول يزحف تزحف زييه
و نجحت الطريقه
واصبح لعدويه صديق حطه على اول سكة العفرته
على ايد زينه اتعلم عدويه يتحرك من مكانه
اتعلم الكلام و يقول جمل
اتعلم ازاي يسرح بخياله و يألف قصه ولعبه
معاها بحس انه بيكبر بعقله وبفرح
لكن المشكله في حاجه
اختي العزيزه سيموز بتشتكي ان العيال بتكبر و زينه كل ما تقعد ما عدويه تصغر
اصلها بتقلده لحد دلوقتي
))))))))))))))))))))))))))))
-------------------------------------------
كل عيل ليه طبع غريب لازم يطلع عين اهله فيه و يخلي مامته تحط عينها وسط راسها و صوابعها العشره في الشق منه ولو غفلت ثانيه يكون الطبع ده هو السبب الاساسي في اتهام اي ام بالاهمال
عدويه الحقيقه كان طابعه الشباشب الطازه!!!!
ايوه الشبشب الطازه الي لسه طالع من تحت مليان بخيرات ربنا من الشارع
او الشبشب الي لسه طالع من الحمام ....يعععععععع ...عندكم حق سماعاها منكم و الله
بس اعمل ايه حاولت ابطله هذا الطبع بكل الطرق معرفتش...
رغم ان عدويه كان بيستجيب لاي حاجه ازعقله عليها مؤدب ميعملهاش تاني - كان برضه - الا في الموضوع ده
بيستمتع الولد بالشبشب استمتاعه بحتة شكولاته كبيره و لما تاخده منه كأنك خدت منه الشكولاته او المصاصه بتاعته
النتيجه ...
اترفعت كل الشباشب فوق الدولاب و الترابيزه
افتكر لما جارتي جتلي و فطست على نفسها من الضحك لما لقيتني حاطه الشبشب بتاعي جنبي عالكنبه و الاخ عدويه بيحاول يشب و يطلع عشان يطوله
الحمد لله كبر دلوقت وكانت ايام وعدة
كوكي بقه او لاللو اي التسميتين تحبوا
طبعه الحقيقه متغير عشان ميحسسننيش بالملل عدا على كل طبائع الاطفال الغريبه و مستمر
والي ينقط و يطلع عيني اكتر
مبتفرقش معاه لا ضرب على الايد و لا زعيق و لا كخ و لا الهوااا دمااااااااااااااااااااااااااااااااغ هيعمل الي في دماغه يعني هيعمل الي في دماغه
لا وكمان علمها لاخوه الكبير اي شاف الصغير مش فارق معاه الزعيق فاشمعنى انا
المهم
الاول كان الشباشيب و الجزم بكل انواعها بس الحمد لله مستمرش كتير
بعدها قلب عالشربات ...يفضل متربض ب باباه اول ما يجي من الشغل زي القطه الي مستنيه فار واول ما ابو زئرد يخلع شرابه يزحف جري يمسكه و يقربه من مناخيره في استمتاع شديد وكأنه بيشم برفان من ديور مثلا
بجانب الهوايه الغريبه دي كانت هواية بلاعة المطبخ ... يا ويلي وسواد ليلي لو نسيت باب المطبخ مقفول .... وفضل كتير جدااا مش راضي يبطل العاده المهببه دي ...لو دخلت المطبخ و دخل ورايا لازم اكتفه جوا كرسي او افضل شيلاه ..
ماهو باباه ف الشغل و لو سبته بره هيعملي اكيد مصيبه لحد ما ضهري جاله اتب
سافرنا مصر و رجعنا نسي هواية البلاعه الحمد لله - هناك انتقل لهواية فتح دولايب جدته و دواليب سيموز الي شايلين فيها الصيني و متفهمش بيعرف انه الدولاب ده بالذات ازاي -
عاد من هناك بهوايه جديده وهي اللعب في الزباله ...اااااااااااااه يااااني
اترفع باسكت الزباله الي في الاوضه فوق التسريحه والي في الصاله فوق ترابيزه السفره طب اعمل ايه يعني
زبالة المطبخ اتلغت و اتعلق كيس عالباب .. هاقوليلي مبتقفليش الباب ليه ... سيادتكم اول ما بنشغل في اي حاجه يقف على باب المطبخ و يعيط لاخوه يقوم يفتحله الباب..ومهما قلتله يا عدويه متفتحش الباب بيصعب عليه اخوه ...او الاصح بيريح دماغه من زنه ...
لكن الاخ ابتدى يقف و اكتشف ان دي الزباله بيفضل ينخور بصباعه لحد ما يخرم الكيس و ينول اي ما تطاله يداه ومش لاقيه حل للموضوع غير ان عيني وسط راسي وامري لله و ساعات اقفل الباب باالمفتاح و اخليه معايا للحفاظ على الكنوز الثمينه من الزباله بعيدا عن ايدين الاخ لاللو اللئيمه....
دعواتكم يتووب قبل ما يتوبني
-----------------------------------------------------------------
النهارده ابو زئرد حاول يأكل لاللو الزبادي ....نياهاهاهاهاهاااااااااااااااااااا ضحكه شريره من القلب
الحقيقه ان لالو حبيب قلب مامته بيثبت كل يوم لوالده العزيز على القلب انه مش مهمه سهله يقوم بيها بصباع رجله الصغير
معرفش ليه كل الرجاله شايفه ان شغل البيت ده سهل و ان الستات بتدلع و ان احنا لو تعبنا او اشتتيكنا يبقى بنتبطر على نعمة الجلوس في البيت ....تقريبا الاغنيه دي سمعتها في جميع الاسر الي اعرفها ....حتى من ابو زئرد نفسه الي اتعود على هدوء و ملائكية عدويه معاه - معاه هو بس -
لالو بقه جابلي حقي
اليوم كنت مشغوله بعزومه رمضانيه ادبست فيها على غفله كمان ابو زئرد اتأخر في شراء اساسيات العزومه لحد قبل الفطار بتلت ساعات - اصل الطبيخ ده مبيخدش وقت -
المهم اراد ابو زئرد اثبات حسن النوايا و المساعده فاختار المهمه السهله من وجهة نظره انه يفطر لالو الي لسه صاحي و يأكله زبادي ...نياهاهاها
الحقيقه ان لالو لففه البيت كله وراه و هو يضحك ضحكاته الملااااااااااااااااااااااائكيه ...السعاده بقه اول مره ابوه يوكله و ابو زئرد يحاول يقعده في مكانه ابدااااااا ده مصمم يزوغ يمين و شمال زي الزئبق
انا مش هدخل في تفاصيل كفايه اقلك اني اضطريت اسيب ابو زئرد ف المطبخ ادخل احمي لالو من دش الزبادي اما ابو زئرد اضطر يغسل وشه و اديه و يغير كامل ملابسه من دش الزبادي الي خده هو كمان
في الاخر قرر ابو زئرد انه يقطع البصل لان دموع البصل و لا دموع لالوو و سابني افطر الولد و ارجعله بعد خمس دقايق منتصره
بصراحه مكنتش محتاجه تعليق
))))نيااااهااهاهاااااااا فرحانه فيه
------------------------------------------
No comments:
Post a Comment