وجاء زئرد الحلقه الخامسه

بعد فرحة امي الشديده بيا اني فرحت قلبها و سميت زئرد على اسم نور عينيها و حبيب قلبها محمد اخويا اذا بها تشهق شهقه تخضنا كلنا و هي بتقرا في شهادة الميلاد
فلأول مره تنتبه امي لموضوع مكتب الصحه الي تابع ليه المستشفى الي ولدت بها
فمكتب الصحه اسمه عدويه و كمان ايه تابع لقسم بولاق ابو العلا
انا مفكرتش خالص في موضوع القسم ده قبل كده حيث ان كلنا اتولدنا في مستشفى في نفس الحي السكني بتاعنا كنت اظن ان القيد تبع محل السكن
ورغم كده الموضوع ملفتش انتباهي لحد ما ماما خدت بالها اعتبرتهاوصمه في جبين زئرد ستبقى معه للابد
اما اخواتي فمسكوووني تريقه على موضوع عدويه ده والي تقلي ابنك شعبي والي تقلي ابنك بيئه
وماما قعدت تقرطمني و تقلي قلتلك تولدي في مستشفى الدقي انت الي نشفت دماغك على المستشفى دي – اصل سيموز كانت بتشتغل فيها و عارفه الناس كلهم –
فوجئت بعدها باسم الدلع اللي اطلق على عدويه اقصد زئرد من حيث لا اعرف
طبعا قعدت مضايقه و متنكده وهو انتم بتتريقوا على ابني و انا ايش عرفني بتقسيم الجغرافي العجيب لاحياء القاهره ده

جت لينا سيموز زياره هي و اللمض و الراسي و معاهم حبيبة قلبي زينه و طبعا الكل بيسأل اين هو عدويه كنت هفرقع خلاص لما نزل على قلبي بلسم
زينه حبيبة قلبي و هي بتندهه عدوووووييييييييييه شيله ماما شيله ( اشيله ماما اشيله)
ايه الدلع ده يا خواتي
ياريت انا الي اسمي عدويه و تندهلي كده
ماله عدويه ده حتى ملك المطربين الشعبيين


دلع ابني بكل فخر عدويه